આજના બિઝી લાઇફસ્ટાઇલ માં હેરને મેનેજ કરવાનું ખૂબ જ મુશ્કેલ બની હોય છે. અને જો તેમા પણ તમારા હેર કર્લી અને ફિઝી હોય તો મેનેજ કરવુ વધારે ટફ થઇ જાય છે. તેથી આજકાલ યુવતીઓ હેર સ્મૂધનિંગ અથવા રિબોન્ડિંગ કે સ્ટ્રેટનિંગ કરાવે છે. તો જાણી લો કે એકબીજાથી કેટલી ડિફરન્ટ છે આ ટ્રીટમેન્ટ્સ
હેર સ્ટ્રેટનિંગ:
જો તમારાં હેર ખૂબ જ કર્લી છેતો તમે રિબોન્ડિંગને બદલે હેર સ્ટ્રેટનિંગ પસંદ કરી શકો છો. હેર સ્ટ્રેટનિંગ અને રિબોન્ડિંગમાં ફરક એ હોય છે કે સ્ટ્રેટનિંગની સરખામણીમાં રિબોન્ડિંગ વધારે લાંબા સમય સુધી ઇફેક્ટિવ રહે છે અને તે થોડી મોંઘી પણ હોય છે. આ સિવાય રિબોન્ડિંગ માટે ઘણાં સ્ટ્રોંગ કેમિકલ્સનો ઉપયોગ થાય છે. જો સ્મૂધનિંગ અને સ્ટ્રેટનિંગની વાત કરીએ તો બંનેમાં ફરક એ હોય છે કેસ્મૂધનિંગ તમારાં હેરને નેચરલ લુક આપે છે. જ્યારે સ્ટ્રેટનિંગમાં તે થોડું આર્ટિફિશિયલ લાગે છે. પરંતુ હેર લાંબા સમય સુધી સ્ટ્રેટ રહે છે. સાથે જ સ્મૂધનિંગ વેવી અને ઓછા કર્લી હેર માટે હોય છે. સ્ટ્રેટનિંગમાં તમારાં હેર બોન્ડને પહેલા કેમિકલ્સની મદદથી બ્રેક કરવામાં આવે છે. ત્યારબાદ હીટ અને કેમિકલ્સથી તેને રિસ્ટ્રક્ચર કરીને નવા બોન્ડ તૈયાર કરવામાં આવે છે. તે હેરને સ્ટ્રેટ આપે છે. જ્યાં સુધી તમારાં નેચરલ હેર ગ્રો નથી કરતાં ત્યાં સુધી તેની ઇફેક્ટ રહે છે.
હેર સ્મૂધનિંગ:
આ ટેક્નિક એવી યુવતીઓ માટે બેસ્ટ છે જેમના હેર થોડાં સ્ટ્રેટ અથવા વેવી હોય. તેની ઇફેક્ટ 6થી 7 મહિના સુધી રહે છે અને જો તમારા હેરની ક્વોલિટી સરસ હોય તો વધારે સમય રહે છે. આ ટેક્નિકમાં સૌથી પહેલાં formaldehyde સોલ્યૂશન લગાવવામાં આવે છે. તેના સૂકાઇ ગયા બાદ ફ્લેટ આર્યનથી હેરને સ્ટ્રેટ પોઝિશનમાં લૉક કરે છે. તેમાં ઉપયોગમાં લેવાતા કેમિકલ્સ તમારાં હેરને અન્ય ટ્રીટમેન્ટ્સની સરખામણીમાં ઓછું નુકસાન પહોંચાડે છે અને હેરને નેચરલ લુક આપે છે. જો તમારાં હેરનો ગ્રોથ ખૂબ જ હોય અને સાથે કર્લી હોય તો આ ટ્રીટમેન્ટ તમારાં માટે નથી.
હેર રિબોન્ડિંગ:
જો તમારાં હેર વધારે કર્લી અથવા ફિઝી હોય છે તો આ ટ્રીટમેન્ટ તમારાં માટે જ છે. આ હેર સ્ટ્રેટનિંગ એક સ્પેશિયલ ટેક્નિક છે. આ ટ્રીટમેન્ટમાં સ્ટ્રેટનરની મદદથી હેર સ્ટ્રેક્ચરના નેચરલ બોન્ડને કેમિકલથી બ્રેક કરવામાં આવે છે. ત્યારબાદ ન્યૂટ્રિલાઇઝરથી હેરને રિબોન્ડ અને ફિક્સ કરવામાં આવે છે. આ પ્રોસેસમાં 5થી 6 કલાક થાય છે. અગાઉ જણાવ્યા અનુસારઆ પ્રોસેસમાં કેમિકલ્સથી હેરના બોન્ડને બ્રેક કરીને સ્ટ્રેટ કરવામાં આવે છે અને કેમિકલ્સ હેરની અંદરના લેયર્સ સુધી જાય છે. તે ખૂબ જ સ્ટ્રોંગ હોય છેતેથી હેરને ઘણી કૅર અને નરિશમેન્ટની જરૂર હોય છે. તેને હંમેશા કોઇ એક્સપર્ટ પાસે જ કરાવો. આ ટ્રીટમેન્ટના થોડાં સમય બાદ હેર કમજોર થઇ જાય છે અને હેર ફૉલની પરેશાની થઇ જાય છે.