નડિયાદઃ દેશભરમાં બેન્ક હડતાલ ચાલી રહી છે ત્યારે ખેડા જિલ્લાના બેન્ક કર્મચારીઓ પણ તેને સમર્થન આપી હડતાલ પર ઉતર્યા હતા. જેને લઇ જિલ્લામાં કરોડોનો નાણાંકીય વ્યવહાર અટવાયો હતો. લોકોના દરેક બેન્ક વહિવટ ઠપ્પ થયા હતા. હડતાલને સમર્થન આપતા 15થી વધુ બેન્કોએ બંધ પાળ્યો હતો.
બેન્કોના કર્મચારીઓએ વિરોધ પ્રદર્શન કર્યું હતું. અનેક બેન્કો હડતાલ પર ઉતરી છે ત્યારે તેમાં એસબીઆઇ બીઓબી કેનરા અલ્હાબાદ બેન્ક સેન્ટ્રલ બેન્ક સહિત 17 જેટલી બેન્કોએ રાષ્ટ્રવ્યાપી હડતાલ પાળી હતી. બેન્કોની વિવિધ માંગો હતી જેમાં બેન્ક એકત્રીકરણ અને દેશની અનેક કંપનીઓ પાસે કરોડોની વસુલી બેંકોએ કરવાની છે.
આવા ડીફોલ્ટટરો પાસેથી નાણાં વસુલ કરી તેની અવેજમાં મિલ્કતો જપ્ત કરવી સાથે હાલમાં ગ્રાહકો પર અનેક પ્રકારના ચાલતા ચાર્જિસના પગલે હડતાલ કરવામાં આવી છે. અને માંગો સંતોષવાની માંગ કરી છે. કરોડોનો બેન્ક વ્યવ્હાર ખોરવાતા બેન્ક ખુલતાની સાથે ગ્રાહકોનો ઘસારો જાવા મળશે.