બનાસકાંઠા જિલ્લા પંચાયત અને તાલુકા પંચાયતોની ચૂંટણી માટે મતદાન ચાલી રહ્યું છે ત્યારે જિલ્લાના હડાદમાં મતદાન અટક્યું છે.તાલુકા પંચાયતના ઉમેદવારે EVMમાં પોતાનું નિશાન બદલાયું હોવાનો આક્ષેપ લગાવ્યો છે.EVMમાં ભાજપના ઉમેદવારના નામ સામે કોંગ્રેસનું ચિન્હ મુકાઈ જતાં હોબાળો મચ્યો હતો.ઉમેદવારના વિરોધના પગલે મતદાન રોકી દેવામાં આવ્યું છે અને હાલ ખામી દૂર કરવાનો પ્રયાસ કરવામાં આવી રહ્યો છે.
ઉલ્લેખનીય છે કે આજે રાજ્યમાં આજે જિલ્લા પંચાયત અને તાલુકા પંચાયતની ચૂંટણી માટે મતદાન શરૂ થઇ ચૂક્યું છે.2 જિલ્લા પંચાયત અને 17 તાલુકા પંચાયતની ચૂંટણી માટે મતદાન યોજાઇ રહ્યું છે.તો 5 જિલ્લા પંચાયત અને 24 તાલુકા પંચાયતની પેટા ચૂંટણી પણ યોજાઇ રહી છે.2 જિલ્લા પંચાયત પર કુલ 273 જેટલા ઉમેદવાર મેદાનમાં છે તો 17 તાલુકા પંચાયતમાં 1005 જેટલા ઉમેદવાર મેદાનમાં છે.મતદાન સાંજે 5 વાગ્યા સુધી ચાલશે.