રાજ્યભરમાં દારૂબંધી હોવા છતા બુટલેગરો દ્વારા બેફામ રીતે દારૂની હેરાફેરી કરવામાં આવે છે.ત્યારે હવે બનાસકાંઠામાંથી દારૂ ભરેલો ટ્રક ઝડપાયો છે.પોલીસે 25 લાખથી વધુનો મુદ્દામાલ કબ્જે કર્યો છે.
ધાનેરા પોલીસે બાતમીના આધારે ટ્રકને સાથે 2 આરોપીઓની ધરપકડ કરી છે.ત્યારે હવે આ મામલે પોલીસે ગુનો નોંધી વધુ કાર્યવાહી હાથ ધરી છે.
ઉલ્લેખનીય છે ગુજરાત રાજ્યમાં દારૂ પીવા કે વેચાણ પર પ્રતિબંધ ફરમાવવામાં આવેલ છે તેમ છતાં કેટલાક લોકો દ્વારા ગેરકાયદેસર રીતે દારૂની હેરફેર કરવામાં આવી રહી છે ત્યારે ફરીવાર બનાસકાંઠામાંથી દારૂ ભરેલી એક ટ્રક ઝડપી લેવામાં આવી હતી.અને આશરે વિદેશી દારૂની 3840 જેટલી બોટલ ઝડપી પાડી હતી.
દારૂ ભરેલ ટ્રક સાથે 2 શખ્સોની ધરપકડ કરીને નજીકના પોલીસ મથકે લઇ જવામાં આવ્યા હતા અને જ્યાં બંનેની તપાસ હાથ ધરવામાં આવી હતી.જો કે આ દારૂ ક્યાંથી મંગાવવામાં આવ્યો હતો એતો વધુ તપાસ બાદ ધ્યાને આવશે.