હત્યાના કેસમાં આરોપીઓને પકડવા ગયેલ પોલીસ પર ધારિયા વડે હુમલો

રાજકોટના જસદણ તાલુકાના નવા ગામમાં પોલીસની ટીમ પર હુમલો થયો છે.હત્યાના આરોપીને પકડવા ગયેલી પોલીસ પર ટોળાએ હુમલો કર્યો.હુમલામાં PSI અને કોન્સ્ટેબલ ઘાયલ થયા છે.જોકે પોલીસે પણ સ્વબચાવમાં 2 રાઉન્ડ ફાયરિંગ કર્યું હોવાના અહેવાલ મળી રહ્યા છે.

પોલીસના જણાવ્યા મુજબ આરોપીઓને પકડીને જતા સમયે 30થી 35 લોકોના ટોળાએ ગાડી પર હુમલો કર્યો હતો.અને એક આરોપીએ ધારિયા વડે પોલીસકર્મચારી પર હુમલો કરતાં સ્વબચાવમાં પોલીસે આરોપીને પગમાં ગોળી મારી હતી.

આ બનાવની મળતી વિગત અનુસાર રાજકોટ જિલ્લાના જસદણ તાલુકાના નવા ગામમાં સ્થાનિક પોલીસ હત્યાના કેસમાં સંડોવાયેલા એક આરોપીની ધરપકડ કરવા માટે ગઇ હતી.



ત્યારે અચાનક એક ટોળું ધસી આવ્યું હતુ અને પોલીસની ટીમ પર ધારિયા જેવા ઘાતક શસ્ત્ર વડે હુમલો કરતા PSI સહિત કોન્સટેબલ ઘાયલ થયાં હતા. આ બંને પોલીસ કર્મીને સારવાર અર્થે નજીકના દવાખાને ખસેડવામાં આવ્યા હતા.