રાજકોટમાં કોંગ્રેસના ઉમેદવારની સભામાં તોડફોડ કરવામાં આવી હતી. કોંગ્રેસનાઉમેદવાર મિતુલ દોંગાની જાહેરસભામાં તોડફોડ કરવામાં આવી હતી.
મિતુલ દોંગા રાજકોટના પૂર્વના કોંગ્રેસના ઉમેદવાર છે. સભામાં ખૂલી તલવારો સાથે તોડફોડ કરવામાં આવી હતી.
ઉલ્લેખનીય છે કે રાજકોટ પશ્ચિમના કોંગ્રેસી ઉમેદવાર ઇન્દ્રનીલ રાજ્યગુરૂના નાના ભાઈ પર તાજેતરમાં બનેલ હુમલાની ઘટના હજુ વિસરાઈ નથી ત્યારે આજે ફરીવાર કોંગ્રેસના વધુ એક નેતા મિતુલ દોંગાની કોંગ્રેસ પક્ષના પ્રચારની એક સભા રાજકોટ ખાતે ચાલી રહી હતી ત્યારે અચાનક કેટલાક અસામાજિક તત્વો ખુલ્લી તલવાર સાથે ધસી આવતા સભા સ્થળે અફડાતફડી મચી જવા પામી હતી.
આ અજાણ્યા શખ્સોએ સભામાં તોડફોડ પણ કરી હતી. રાજકોટમાં છેલ્લા 2 દિવસમાં આવી ઘટનાઓ કોંગ્રેસના ઉમેદવારો અને તેના પરિવારજનો સાથે બની રહી છે ત્યારે અન્ય જનતાનું શું તે એક પ્રશ્નાર્થ છે. આ ઘટનાને પગલે કોંગ્રેસના ઉમેદવાર મિતુલ દોંગાએ મીડિયા સાથેની વાતચીત દરમિયાન જણાવ્યું હતું કે આ ઘટના પાછળ ભાજપનો હાથ છે.
આ ઘટનાને પગલે પોલીસ તાત્કાલિક અસરથી સભાસ્થળ પર દોડી આવી હતી અને આ શખ્સોને ઝડપી લેવા તજવીજ હાથ ધરી હતી.