પાકિસ્તાની નિર્ભયા સાથે ન્યાય દુષ્કર્મ કરનારને એક માસમાં ફાંસીની સજા

પાકિસ્તાનની નિર્ભયા ઝૈનબને આજે ન્યાય  થયો છે.લાહોરની આતંકવાદ વિરોધી કોર્ટે સાત વર્ષીય ઝૈનબ સાથે બળાત્કાર અને હત્યાના કેસમાં દોષિત ઇમરાન અલીને ફાંસીની સજા સંભળાવી છે.ઘટનાના 14 દિવસ બાદ આરોપી ઇરમાનની ધરપકડ કરાઈ હતી. જે ઝૈનબનો પડોશી હતો. 

ફોરેન્સિક એજન્સીએ 1000 જેટલા સેમ્પલ અને 150 DNA તપાસને અંતે આરોપીનો ઓળખ કરી હતી. ઝૈનબ કેસને લઈને લાહોરથી માંડીને સમગ્ર પાકિસ્તાનમાં લોકોએ આરોપી સામે ફિટકાર વર્ષાવી હતી. ત્યારે પાકિસ્તાની કોર્ટે આ કેસમાં માત્ર એક મહિનામાં ચુકાદો આપીને એક મિશાલ ઉભી કરી છે. 

આપને જણાવી દઈએ કે 5 જાન્યુઆરીના રોજ ઝૈનબ ગૂમ થઈ હતી. આ સમયે તેના માતા-પિતા સાઉદી અરબ ગયા હતા. 9 જાન્યુઆરીના રોજ ઝૈનબનો મૃતદેહ એક કચરાપેટીમાંથી મળી આવ્યો હતો. ઝૈનબ સાથે બળાત્કાર કરીને ક્રૂરતા આચરવામાં આવી હતી. આ કેસ એટલે પણ ચર્ચામાં રહ્યો કારણ કે એક પાકિસ્તાની એન્કર તેની દિકરીને લઈને સ્ટુડિયોમાં ન્યૂઝ વાંચવા માટે પહોંચી હતી.