ભારતીય હૉકી ટીમે રવિવારના મહિલા એશિયા કપના ફાઇનલમાં ચીનને માત આપીને ટાઇટલ પોતાના નામે કરી દીધું છે. નક્કી કરેલા સમયમાં મેચ 1-1 ડ્રો રહ્યા બાદ પેનાલ્ટી શૂટઆઉટમાં ચીનને 5-4થી માત આપીને ટાઇટલ જીતી લીધું.
ભારતીય મહિલા ટીમનું આ બીજું એશિયા કપ ટાઇટલ છે. આ પહેલા ભારતે 2004માં આ ટાઇટલને પોતાના નામે કર્યુ હતુજ્યારે ભારતે જાપાનને 1-0થી માત આપી હતી. આ જીતની સાથે જ ભારતીય ટીમે 2009માં આ ટૂર્નામેન્ટમાં મળી હારનો બદલો પણ લઇ લીધો છે.
બન્ને હાફમાં મુકાબલો બરાબરી પર રહ્યાં બાદ નિર્ણય શૂટ આઉટથી થયો હતો. બન્ને ટીમે 4-4 ગોલ કર્યા હતા. તે બાદ ભારત તરફથી રાનીએ વિજયી ગોલ ફટકાર્યો હતો. બીજી તરફ ચીનની ખેલાડી ગોલ ફટકારવાની તક ચુકી ગઇ હતી. તે બાદ ભારત 5-4થી આ ફાઇનલ જીતી ગયુ હતું.
ફાઇનલ મેચમાં ફર્સ્ટ ક્લાસમાં નવજોત કૌરે 25th મિનિટમાં ચીન પર ગોલ ફટકારી ભારતને લીડ અપાવી હતી. તે બાદ ચીનની પ્લેયર ટિયાનટિયાન લુઓએ 47મી મિનિટમાં ગોલ ફટકારી મેચ બરાબરી પર લાવી દીધી હતી. બન્ને ટીમે મેચ પૂર્ણ થયા બાદ 1-1ની બરાબરી પર રહી હતી.
આ ટૂર્નામેન્ટને જીતવાની સાથે ટીમ ઇન્ડિયાએ આવતા વર્ષે ઇંગ્લેન્ડમાં રમાનાર વર્લ્ડકપ માટે ક્વોલિફાય કરી લીધુ છે.