ઢાકાઃ ભારતે 10માં એશિયા કપ હોકી ટૂર્નામેન્ટમાં સતત ત્રીજી જીત મેળવી છે. રવિવારે ભારતીય ટીમે પોતાના પ્રતિસ્પર્ધી પાકિસ્તાનને 3-1ને માત આપી. ઢાકામાં રમાય રહેલ ટૂર્નામેન્ટમાં આ પહેલા ભારતે જાપાનને 5-1થી અને બાંગ્લાદેશને 7-0થી હરાવ્યું હતું. ગ્રુપ-એ માં 9 અંકની સાથે ટોચે રહેલ ભારતીય ટીમ સુપર ફોરમાં પહોંચી ચુકી છે.
4 અંકની સાથે પાકિસ્તાની ટીમ પણ બીજા રાઉન્ડમાં રમશે. એશિયા કપના ઇતિહાસમાં ભારતે પાકિસ્તાન પર સતત બીજી જીત મેળવી છે. આ પહેલા ભારતે 2003માં એશિયા કપ ફાઇનલમાં પાકિસ્તાનને 4-2થી હરાવ્યું હતું. એશિયા કપમાં પાકિસ્તાનને 7માંથી 5 વખત હરાવ્યું છે. ઇન્ટરનેશનલ હોકીમાં ભારતની પાકિસ્તાન પર આ સતત છઠ્ઠી જીત રહી.