ટેસ્ટમાં 300 વિકેટ લઇને બધાથી આગળ નીકળ્યો આર.અશ્વિન

ટીમ ઇન્ડિયાના ઑફ સ્પિનર રવિચંદ્રન અશ્વિને શ્રીલંકા વિરુદ્ઘ 8 વિકેટ મેળવીને ટેસ્ટ ક્રિકેટમાં પોતાની 300 વિકેટ પૂરી કરી લીધી છે. આ નંબરોની ઉજવણી તેના માટે ખૂબ જ ખાસ છે કેમકે 54મી ટેસ્ટ અને 100મી ઇનિંગમાં 300મો વિકેટ ઝડપીને સૌથી ઝડપી વિકેટોની ત્રેવડી સદી ફટકારનારો બોલર બની ગયો છે. તેણે 56 મેચોમાં આ રેકોર્ડ બનાવનારા ઓસ્ટ્રેલિયાના ડેનિસ લિલીને પાછળ છોડીને આ સિદ્ધિ મેળવી છે. રસપ્રદ વાત એ છે કે 27 નવેમ્બરના રોજ ડેનિસ લિલીએ પણ પોતાની 300 વિકેટ્સ પૂરી કરી હતી અને આ જ દિવસે અશ્વિને તેનો રેકોર્ડ તોડી નાંખ્યો છે.

લિલી મુરલી સ્ટેન મેકગ્રા સૌથી આગળ:

અશ્વિને પોતાના આ રેકોર્ડથી ઑસ્ટ્રેલિયાઇ પેસર ડેનિસ લિલી શ્રીલંકાના સ્પિનર મુથૈયા મુરલીધરન ઑસ્ટ્રેલિયાઇ પેસર મેક્ગ્રા કંગારૂ સ્પિનર શેન વૉર્ન અને સાઉથ આફ્રિકાન પેસર ડેલ સ્ટેન જેવા મહાન બૉલરને પાછળ છોડી દીધા છે. ડેનિસ લિલીએ 56 ટેસ્ટમાં આ સિદ્ઘિ મેળવી હતી જ્યારે મુરલીધરન અને મેલ્કમ માર્શલે 61 મેચ રમીને આ સિદ્ઘિ મેળવી હતી. જ્યારે ડેલ સ્ટેન અને શેન વોર્ને 63 મેચ રમીને આ સિદ્ઘિ પ્રાપ્ત કરી હતી. એલન ડૉનલ્ડ અને મેકગ્રાએ 64 ટેસ્ટ મેચમાં આ રેકોર્ડ બનાવ્યો હતો.

'ભગવાનનો સાથ મળ્યો ફિટનેસ પર ધ્યાન આપું છું'

મેચ પછી વાત કરતા રવિચંદ્રન અશ્વિને કહ્યુ કે ''આજનો દિવસ ખાસ હતો. બૉલ લ વધારે ટર્ન નહોતો થતો ઈશાંતે શાનદાર બોલિંગ કરી.'' અશ્વિને પોતાની ફિટનેસ અંગે કહ્યું કે ''મને ભગવાનનો ઘણો સાથ મળ્યો છે હું ફિટનેસ પર ધ્યાન આપું છું. હું મારી આ સિદ્ઘિથી ખુશ છું અને કોઈની સાથે તુલના કરતો નથી. કેરમ બોલ પર મને 300મી વિકેટ મળી. આશરે બે વર્ષથી આ બોલ નહોતો કરતો આજે ફેંક્યો.'' અશ્વિને કહ્યું કે ''ભલે થોડા સમયથી તે વન-ડે ક્રિકેટ ન રમ્યો હોય પણ ટેસ્ટમાં પોતાના પરફૉર્મન્સથી ખુશ છે.''

Watch Video Here

300th Test wicket for @ashwinravi99 and #TeamIndia take a 1-0 lead in the 3-match Test series. India seal the 2nd Test in Nagpur by an innings and 239 runs #INDvSL pic.twitter.com/mq56alEczD

— BCCI (@BCCI) November 27 2017

અશ્વિને કહ્યું- ‘હું થાક્યો છું બ્રેકની છે જરૂર’

અશ્વિને કહ્યું કે ‘’હું હંમેશા વિચારતો હતો કે દેશ માટે રમીને ઉપલબ્ધિઓ મેળવું. આગામી 12 મહિના ટીમ માટે ખૂબ મહત્વના રહેશે. અમારે સારું પ્રદર્શન કરવું પડશે. હું થાકેલો છું અને વધારે બોલિંગ કરવાને લીધે બ્રેકની જરૂર છે.’’