સાઉથ કેલિફોર્નિયાના જંગલોમાં 65 હજાર એકરમાંમાં બે દિવસથી જબરદસ્ત આગ લાગી છે અને આગને કારણે સમગ્ર રાજ્યમાં ઇમરજન્સી લગાવી દેવામાં આવી છે.
આ આગ એટલી વિકરાળ બની ગઇ છે કે જેના કારણે 1.5 લાખ લોકોને ઘટનાસ્થળેથી હટાવી દેવામાં આવ્યા છે. એક હજાર ફાયર ફાઇટર આગ પર કાબુ કરવાનું કામ કરી રહ્યા છે. આગના કારણે હજારો ઘરોને નુકસાન થયું છે. 160 ઇમારતો સંપૂર્ણ રીતે બળી ગઇ છે. 45 હજાર ઘરોમાં લાઇટ નથી. આ આગ 5 વિસ્તારોમાં લાગી છે. વેંતુરામાં લૂટફાટને અટકાવવા માટે કફર્યૂ લગાવી દેવામાં આવ્યો છે. કારણ કે લોકો ઘર છોડીને જતા રહ્યા છે. આગનો ધુમાડો 800 કિ.મી દુરથી પણ નજરે પડે છે. પવનના જોરને લીધે આગ વધુને વધુ પ્રસરી રહી છે.
નોંધનીય છે કે આ વર્ષમાં ત્રીજી વખત લાગી આગ લાગવાની ઘટના બની છે. લો પ્રેશર અને ગરમ હવાને કારણે આગ લાગી હોવાનું અનુમાન છે.