નવી દિલ્હીઃ સીમા પર ચીનની વધતા દબદબાના કારણે સેનાએ તમામ મૌસમમાં ઉપયોગમાં લઇ શકાય તેવી 17 ટનલની માગ કરી છે. જેમાં નવ ટનલને પ્રાથમિકતા આપવામાં આવી છે. જેમાં બે મુખ્ય જગ્યાઓ લદ્દાખ અને અરૂણાચલ પ્રદેશની તવાંગ છે. ભારત અને ચીન વચ્ચે ઉભેલી હિમાચલની શિખરોને પાર કરવી મુશ્કેલ છે. પરંતુ તેને ટનલ દ્વારા પાર કરી શકાય છે. ભારતીય સેનાએ લદ્દાખથી લઇને અરૂણાચલ પ્રદેશ સુધીના વિસ્તારોમાં 17 ટનલ બનાવવાની માગ કરી છે.
ઉત્તરી સીમા પર મનાલી લેહ એક્સિસનું કામ ચાલી રહ્યું છે. આ એક્સિસ પર 3 પાસ પર 3 ટનલ બનાવવામાં આવશે. ત્યારે દરેક મૌસમમાં ઉપયોગમાં લઇ શકાય તેવી ટનલ નીમૂ પદમ ધાકચૂ એક્સિસ પર 2 પાસ પર બે ટનલ બનાવવાની માગ કરવામાં આવી છે.
પૂર્વ કમાનમાં તવાંગ એક્સિસ પર સેલા પાસની નીચે એક ટનલ બનાવવાની માગ સેનાએ કરી છે. જેને પ્રાથમિકતતા પર રાખવામાં આવી છે. આ જ તવાંગ એક્સિસ પર ભલુકપૌંગ નિચીપૂ પાસ પર ટનલને બીજી અને બોમડિલાની ટનલને ત્રીજી પ્રાથમિકતા આપવામાં આવી છે.
આ પાસ દ્વારા તવાંગને સીધા જોડી શકાશે. વર્ષના પાંચ મહિના આ વિસ્તારમાં બરફવર્ષા થવાના કારણે આવવું જવું સંપૂર્ણ રીતે બંધ થઇ જાય છે. આવામાં સીમા પર સરહદની સુરક્ષા કરતા જવાનો સુધી હથિયાર વિસ્ફોટ અને અન્ય સામગ્રી રસ્તાના માર્ગે પહોચાડવી મુશ્કેલ થઇ જાય છે.