VIDEO:જ્વેલર્સ માલિકને લૂંટવાનો પ્રયાસ પોલીસે આપ્યા તપાસના આદેશ

વલસાડમાં નેશનલ હાઈ-વે નજીક એક જ્વેલરી શોપના માલિકને લૂંટવાનો પ્રયાસ થયો હતો.જ્વેલરી વેપારી જીતુ ચૌધરી મોડી સાંજે પોતાની કારમાં ઘર તરફ જવા નીકળ્યા હતા.તે સમયે હાઈ-વે પર આવેલી કાઠીયાવાડી હોટલ પાસે કેટલાક શખ્સ વેપારીની ગાડીને રોકી હતી.અને તેમની પાસે રહેલી ઘરેણા ભરેલી બેગ લૂંટવાનો પ્રયાસ કર્યો હતો.આ ઘટનાને પગલે વેપારીએ બૂમાબૂમ કરતા કારમાં આવેલા ચારેય શખ્સ હુમલો કરીને કારના કાચ તોડીને ફરાર થઈ ગયા હતા.

આ બનાવની મળતી વિગત પ્રમાણે વલસાડમાં જ્વેલરી શોપ ધરાવતા એક વેપારી વેપારી જીતુભાઈ જીવાભાઈ ચૌધરી મોડી સાંજના સમયે પોતાની ગાડીમાં ઘર તરફ જવા નીકળ્યા હતા.

જેઓ વલસાડ હાઈવે પર આવેલી કાઠિયાવાડી હોટેલ નજીક પહોંચતા જ એક ગાડીમાં આવેલા કેટલાક અજાણ્યા લોકોએ વેપારીની ગાડીને રોકી હતી અને તેમની પાસે રહેલ ઘરેણાં ભરેલી બેગ લૂંટવા નો પ્રયાસ કર્યો હતો.

સેન્ટ્રો કારમા ૪ અજાણ્યા ઈસમો આવી તેમની ફોર્ચુનર કાર નંબર જી.જે.૧૫ સીબી. ૭૯૩૭ પર હુમલો કરી ગાડીના કાચ તોડી નાખ્યા હતા આ ઘટનાની જાણ થતાં જ સ્થાનિક પોલીસ દોડી આવી હતી અને આરોપીઓને શોધવા માટે તપાસ તેજ કરી છે.