મુંબઇ: બોલીવુડ અભિનેતા અનિલ કપૂર અને સોનમ કપૂર જલ્દીથી વિધુ વિનોદ ચોપડાની આગળની ફિલ્મ 'એક લડકી કો દેખા તો એસા લગા' માં જોવા મળશે. આ ફિલ્મનું નામ ફેમસ ગીત 'એક લડકી કો દેખા તો એસા લગા'ના નામ પરથી જ રાખવામાં આવ્યું છે. વિધુ વિનોદે આ ફિલ્મ વિશે વાત કરતાં કહ્યું કે 'એક લડકી કો દેખા તો એસા લગા અમારા માટે એક મોટો પ્રોજેક્ટ છે અને આ ખૂબ જ સારી વાત છે કે અનિલ કપૂર આ ફિલ્મમાં અમારી સાથે કામ કરવા માટે તૈયાર છે. હકીકતમાં સોનમ અને અનિલ બંને આ ફિલ્મના કાસ્ટનો ભાગ છે.
આ પહેલા અનિલે છેલ્લી વખત વર્ષ 1994માં આવેલી વિધુ વિનોદ ચોપડાની ફિલ્મ '1942 એ લવ સ્ટોરી' માં સાથે કામ કર્યું હતું. આ ફિલ્મમાં સાથે મનીષા કોઇરાલા અને જેકી શ્રોફ પણ જોવા મળ્યા હતા.