વડોદરા:આણંદની કામધેનું રિસોર્ટમાં યુવતીની છેડતીના મામલે આંકલાવ પોલીસે રિસોર્ટના માલિકની ધરપકડ કરી કોર્ટમાં રજૂ કર્યો હતો.જ્યાં સમગ્ર મામલાને ધ્યાનમાં રાખતાં કોર્ટે રિસોર્ટના માલિકના જામીન નામંજૂર કર્યા હતા.
જે બાદ આરોપીને જ્યુડિશિયલ કસ્ટડીમાં મોકલી દેવામાં આવ્યો છે.. મહત્વનું છે કે રિસોર્ટના માલિક પર એક યુવતીએ છેડતીનો આક્ષેપ લગાવ્યો હતો.જે બાદ પોલીસે રિસોર્ટના માલિકની ધરપકડ કરી હતી.
ઉલ્લેખનીય છે કે વડોદરા નજીક આવેલ આણંદ ખાતેની જાણીતી કામધેનુ રિસોર્ટના માલીકે એક યુવતીની છેડતી કરી હોવાની ઘટના સામે આવી હતી.
આ ઘટનાની જાણ તે યુવતીએ પોલીસને કરતા પોલીસે તાત્કાલિક અસરથી આ રિસોર્ટના માલિક સામે પગલા ભર્યા હતા અને તેને કોર્ટમાં હાજર કરવમાં આવેલ જ્યા આરોપી પક્ષ દ્વારા આ ઘટના મામલે જામીન માગવામાં આવેલ પરંતુ કેસની ગંભીરતાને ધ્યાને રાખીને કોર્ટે કામધેનુ રિસોર્ટના માલિકના જામીન ના મંજૂર કર્યા હતા.