દિલ્લીના મુખ્યમંખ્યપ્રધાન અરવિંદ કેજરકીવાલના જીવન પર અમેરિકાની મીડિયા કંપની વાઈસે બનાવેલ ફિલ્મ નજીકના સમયમાં લોન્ચ થવાની છે. આ ફિલ્મનું નામ ‘એન ઈનસિંગ્નીફિસન્ટ મેન’ છે. ખુશબુ રાંકા અને વિનય શુક્લા દ્વારા નિર્દેશિત આ એક અકાલ્પનિક રાજકીય વ્યક્તિના જીવન આધારિત ફિલ્મ છે આ ફિલ્મમાં સામાજિક કાર્યકર્તાથી રાજકીય નેતા બનેલ રાજધાની દિલ્હીના મુખ્યમંત્રી અરવિંદ કેજરીવાલ પર આધારિત છે. આ ફિલ્મ 17 નવેમ્બરે 2017 ના રોજ ભારતીય ફિલ્મઘરોમાં રિલીઝ થશે.
વાઈસ ડોક્યૂમેન્ટ્રી ફિલ્મ્સના કાર્યકારી નિર્માતા જેસન મોજિકાએ કહ્યું હતું કે ‘મેં ‘એન ઈનસિંગ્નીફિસન્ટ મેન’ ફિલ્મ ટોરન્ટો આંતરરાષ્ટ્રીય ફિલ્મ ફેસ્ટિવલ 2016માં જોઈ હતી અને મને લાગ્યું કે આ ફિલ્મ માર્શલ કરીની સ્ટ્રીટ ફાઈટ બાદ રાજકીય ભૂમિ પર સૌથી રસપ્રદ ફિલ્મ છે.’
વાઈસ કંપનીએ જણાવ્યું હતું કે આ ફિલ્મ 22થી પણ વધુ દેશોમાં બતાવવામાં આવે તેવા પ્રયત્નો થઈ રહ્યા છે. મેમિસિસ લેબના આનંદ ગાંધીએ કહ્યું હતું કે ‘ભારતીય સિનેમાના ઈતિહાસમાં પહેલી વાર એવી ફિલ્મ બતાવવામાં આવશે કે જેને જોઈને લોકો જાણી શકશે કે પક્ષોમાં બંધ દરવાજા પાછળ શું થતું હોય છે?’