અમરેલી: બોરાળા ગામે લોકડાયરાએ વિવાદ સર્જ્યો કોંગ્રેસ અગ્રણી સહિત 2 લોકો સામે ફરિયાદ

અમરેલીના બોરાળા ગામે લોકડાયરાને વિવાદ સર્જાયો હતો. કોંગ્રેસ આયોજીત લોકડાયરાને લઈને પોલીસ ફરિયાદ થઇ હતી. કોંગ્રેસ અગ્રણી અંબરીશ ડેર સહિત 2 શખ્સ સામે ફરિયાદ થઇ હતી. ફરજમાં રૂકાવટ સહિતની કલમો હેઠળ ગુન્હો નોંધાયો હતો. ગૌશાળાના લાભાર્થે લોકડાયરાનું આયોજન કરવામાં આવ્યું હતુ. 

કોંગ્રેસના આગેવાનો અને તંત્ર વચ્ચે બોલાચાલી થઈ હતી. લાઉડ સ્પીકરને લઈને ઉગ્ર બોલાચાલી થઈ હતી. ઘટના સ્થળે SP સહીતનો પોલીસ કાફલો પહોંચ્યો હતો. કોંગ્રેસના નેતાઓ પણ ડાયરામાં ઉપસ્થિત હતાં. અર્જુન મોઢવાડીયા ધારાસભ્ય જવાહર ચાવડા ઉપસ્થિત રહ્યાં હતાં. પૂર્વ સાંસદ વિરજી ઠુમ્મરે પણ હાડરી આપી હતી. પોલીસે આરોપીઓને પકડવા ચક્રો ગતિમાન કર્યા છે.