અમરેલી જિલ્લામાં કાયદો અને વ્યવસ્થાની સ્થિતી કથળી હોવાના આક્ષેપ સાથે કોંગ્રેસના ચાર ધારાસભ્યોએ વિરોધ નોંધાવ્યો છે.લાઠીના ધારાસભ્ય વીરજી ઠુંમરની આગેવાનીમાં જિલ્લા પોલીસ વડાની કચેરી સામે કોંગ્રેસે ધરણા યોજ્યા હતા.
જેમાં વીરજી ઠુમરની સાથે-સાથે સાવરકુંડલાના ધારાસભ્ય પ્રતાપ દુધાત ધારીના ધારાસભ્ય જે.વી.કાકડિયા અને રાજુલાના ધારાસભ્ય અંબરીશ ડેર રહિતના જિલ્લા ભરના કોંગ્રેસના કાર્યકરો પણ ધરણામાં જોડાયા હતા..
કોંગ્રેસના નેતાઓએ જિલ્લા પોલીસ વડાની કચેરી સામે સૂત્રોચ્ચાર કરતા આક્ષેપ લગાવ્યા છે કે જિલ્લામાં લૂંટ અને ચોરીની ઘટનાઓ વધી રહી છે.મહિલાઓ સુરક્ષીત નથી.તો રેતી જેવા ખનીજની બેફામ થઈ રહેલી ચોરીમાં પણ પોલીસની સંડોવણી છે.
જોકે આ સમગ્ર ઘટનાઓ અંગે કોંગ્રેસના ધારાસભ્યોએ જિલ્લા પોલીસ વડાને આવેદન પત્ર આપતા રજૂઆત પણ કરી છે.ત્યારે જોવું રહ્યું કે પોલીસ દ્વારા કાયદો અને વ્યવસ્થાની કથળતી સ્થિતિ પર કેવી રીતે લગામ કશવામાં આવે છે.