અમદાવાદઃ ભાજપના રાષ્ટ્રિય અધ્યક્ષ અમિતશાહે અમદાવાદ શહેરના નારણપુરા વિસ્તારમાંથી મતદાન કર્યું. તેઓ પરિવાર સાથે મતદાન કરવા પહોંચ્યા હતા. જીતનો આશાવાદ વ્યક્ત કર્યો. અમિત શાહ સાથે ભાજપના પ્રદેશ પ્રમુખ જીતુભાઈ વાઘાણી પણ ઉપસ્થિત રહ્યા હતા.
અમિત શાહે જણાવ્યું કે વિકાસની યાત્રા આગળ વધારવા મોટી સંખ્યામાં મતદાન કરો. વિકાસની યાત્રા અવિરત ચાલશે. લોકો ભારે માત્રામાં મતદાન કરો. ગુજરાત વિકાસનું મોડલ વિશ્વમાં પ્રખ્યાત છે.
ઉલ્લેખનીય છે કે આજે ગુજરાતમાં ચૂંટણીનો મહાજંગ છે. ત્યારે બધા પક્ષોએ એડીચોટીનું જોર લગાવ્યું છે. ત્યારે ગઇકાલે અમિતશાહ સોમનાથ દાદાના દર્શન કરવા પહોંચ્યા હતા. જ્યાં તેમણે જીતની પ્રાર્થના કરી હતી.