ગાંધીનગરઃ ભાજપ અધ્યક્ષ અમિત શાહે આજે ગાંધીનગરના ટાઉનહોલમાં બપોરે 2.30 કલાકે ભાજપના શક્તિ કેન્દ્રોના ઈન્ચાર્જો સાથે મુલાકાત કરશે. અને તેમને ચૂંટણીલક્ષી માર્ગદર્શન આપશે. જેમાં અમદાવાદ ગાંધીનગર શહેર અને મહેસાણા જિલ્લાના કાર્યકર્તાઓ રહેશે ઉપસ્થિત.
અમિત શાહ કાર્યકરોને ચૂંટણીને લઈ સલાહ સુચન આપશે. તો બનાસકાંઠાના ડીસામાં અમિત શાહ પ્રવાસ કરશે અને ત્યાં પણ શક્તિ કેન્દ્રના ઈન્ચાર્જો સાથે મુલાકાત કરશે. બીજી તરફ આજે ડીસામાં રાહુલ ગાંધી પણ પ્રવાસ કરવાના છે. જેથી બન્ને પાર્ટીના દિગ્ગજ રાજનેતાઓ વચ્ચે કાંટે કી ટક્કર થવાની છે.
ઉલ્લેખનીય છે કે કોંગ્રેસ ઉપાધ્યક્ષ રાહુલગાંધી ગુજરાતમાં ચોથા તબક્કાના ત્રિદિવસીય પ્રવાસે છે. ત્યારે તેમના પ્રવાસનો આજે બીજો દિવસ છે. આજના બીજા દિવસના પ્રવાસમાં તેઓ પાલનપુર અને ડિસાની મુલાકાત લેશે. સાથે જ તેઓ પાટણની પણ મુલાકાત લેશે. જ્યારે ડિસાની મુલાકાતે બન્ને પાર્ટીના દિગ્ગજ રાજનેતાઓ છે ત્યારે બન્ને વચ્ચે ટક્કર થવાની છે.