VIDEO: અમિત શાહ- હાર્દિક પટેલ ગીર-સોમનાથમાં આજે આમને-સામને

ભાજપના રાષ્ટ્રીય અધ્યક્ષ અમિત શાહ આજે ગીર સોમનાથની મુલાકાતે છે. તેઓ સવારે કોડીનારમાં સભાને સંબોધન કરશે. ત્યાર બાદ સાંજે વેરાવળમાં જાહેર સભાને સંબોધશે. આગામી ચૂંટણીને અનુલક્ષીને પ્રજા સાથે ચર્ચા કરશે તેમજ જનમેદની સંબોધશે.

તો બીજી તરફ હાર્દિક પટેલ પણ આજે ગીર સોમનાથની મુલાકાતે છે. હાર્દિક આજે જાહેર જનતા સાથે સભાને સંબોધશે તેમજ રોડ-શો પણ યોજશે. બપોરેના સમયે તલાલાથી આકોલવાળી સુધી હાર્દિક રોડ-શોમાં ભાગ લેશે. ત્યાર બાદ આકોલવાળીમાં પણ સભાને સંબોધન કરશે. તો ગીરમાં આજે હાર્દિક સભાઓ ગજવશે.

ઉલ્લેખનીય છે કે આ પહેલા 29 નવેમ્બરે પણ આ જ સ્થિતિ સર્જાઈ હતી. જો કે તે સમયે વડાપ્રધાન મોદી અને હાર્દિક પટેલ આમને સામને હતા. મોરબીમાં વડાપ્રધાન મોદીની સભા હતી અને ત્યારબાદ સાંજે મોરબીમાં જ હાર્દિક પટેલે ખેડૂતો સાથે સભા કરી હતી અને રોડ શો પણ કર્યો હતો.