અમેરિકા: અમેરિકાના લાસ વેગાસમાં ફાયરિંગ થયું. એક બંદૂકધારકે માંડલે બે રિસોર્ટમાં કસીનો પર હુમલો કર્યો છે. અહીંયા કંટ્રી મ્યુઝિક ફેસ્ટિવલ થઇ રહ્યો હતો એ દરમિયાન હુમલાખોરોએ ઘૂસીને અંધાધુંધ ફાયરિંગ કર્યું. પોલીસે કાર્યવાહી શરૂ કરી દીધી છે. મોટી સંખ્યામાં નુકસાન થયું હોવાની માહિતી મળી છે.
લાસ વેગસ પોલીસ ટ્વિટ કરીને માહિતી આપી કે એમને એક શૂટરને મારી નાંખ્યો છે. સાથે લોકોને એ ઘટનાસ્થળ પર ના જવા માટેની અપીલ કરી છે. શૂટિંગની ઘટના કારણે મેકરેન ઇન્ટરનેશનલ એરપોર્ટ આવનારી ફ્લાઇટ્સને ડાયવર્ટ કરી દીધી છે. આંખે દેખનારા લોકોનું કહેવું છે કે સિંગર જેસોન એલ્ડિન એ સમયે પરફોર્મ કરી રહ્યો હતો.
લાસ વેગાસ મેટ્રોપોલિટન પોલીસ ટ્વિટ કરીને લખ્યું 'પ્રાપ્ત થતી માહિતી અનુસાર ડઝનોની સંખ્યામાં ઘાયલોને હોસ્પિટલ પહોંચાડવામાં આવ્યા છે.' સુરક્ષા એજન્સીઓને સૂચના મળી છે કે રૂટ 91 હાર્વેસ્ટ ફેસ્ટિવલની પાસે એક એક્ટિવ શૂટર છે. પોલીસ શૂટરને પકડવા માટેની કાર્યવાહી શરૂ કરી દીધી છે.
લાસ વેગાસ પોલીસ લોકોને માંડલે બે કસીનો તરફ ના જવાની અપીલ કરી છે. લોકોનું કહેવું છે કે ઘટનાસ્થળ પર એક શૂટર હોવાની સંભાવના છે.