અમદાવાદઃ દિલ્હી મુલાકાત બાદ અલ્પેશ ઠાકોર મોડીરાત્રે ગુજરાત પરત ફર્યા છે. કોંગ્રેસ ઉપાધ્યક્ષ રાહુલ ગાંધીને મળ્યા બાદ અલ્પેશ ઠાકોરે કહ્યું કે ગુજરાતમાં કોંગ્રેસની સરકાર બનશે. આ સાથે જ તેમણે રાહુલ ગાંધીએ પોતાની માગ સ્વીકારી હોવાનો દાવો કર્યો. અને જાહેરાત કરી કે આગામી 23મીએ ઓક્ટોબરે લાખો કાર્યકર્તાઓ સાથે તે વિધિવત રીતે કોંગ્રેસમાં જોડાશે.
ઉલ્લેખનીય છે કે ઓબીસી એકતા મંચના પ્રમુખ અલ્પેશ ઠાકોરે અંતે રાજનીતિમાં ઝંપલાવવાનો નિર્ણય લઈ લીધો હતો. 23 ઓક્ટોબરે અલ્પેશ ઠાકોર રાહુલ ગાંધીની હાજરીમાં કોંગ્રેસમાં વિધિવત પ્રવેશ કરશે. અલ્પેશ ઠાકોર વિધાનસભાની ચૂંટણી ઉત્તર ગુજરાતમાંથી લડી શકે છે.