ગાંધીનગરઃ ઓબીસી એકતા મંચના પ્રમુખ અલ્પેશ ઠાકોરે અંતે રાજનીતિમાં ઝંપલાવવાનો નિર્ણય લઈ લીધો છે. 23 ઓક્ટોબરે અલ્પેશ ઠાકોર રાહુલ ગાંધીની હાજરીમાં કોંગ્રેસમાં વિધિવત પ્રવેશ કરશે. અલ્પેશ ઠાકોર વિધાનસભાની ચૂંટણી ઉત્તર ગુજરાતમાંથી લડી શકે છે.
સૂત્રો દ્વારા મળતી માહિતી મુજબ અલ્પેશ ઠાકોરે ઉત્તર ગુજરાતની બેઠકો માટે માગણી કરી છે. કોંગ્રેસ સમક્ષ્ય ડેપ્યુટી સીએમ પદ પણ માગ્યું હોવાની ચર્ચા વહેતી થઈ છે. અલ્પેશ ઠાકોર વાવ અને થરાદ બેઠક પરથી લડી શકે છે. ભાજપ નેતા શંકર ચૌધરી સામે અલ્પેશ ઠાકોર મેદાનમાં ઉતરે તેવી પણ શક્યતાઓ સેવાઈ રહી છે.