અમદાવાદ: ગુજરાતમાં ભાજપ વિરોધી ત્રણ ચહેરામાંથી બે અલ્પેશ ઠાકોર અને જીદ્નેશ મેવાણીએ વડગામમાં સંયુક્ત રેલી કરી છે. બધી રેલીમાં બંનેએ ભાજપ પર જોરદાર પ્રહાર કર્યા છે. ચૂંટણીના બીજા તબક્કા માટે પ્રચારનો આજે છેલ્લો દિવસ હોવાને કારણે બંનેના શબ્દોમાં ખૂબ જ આક્રમકતા જોવા મળી. આ દરમિયાન અલ્પેશે સીધો પીએમ મોદી પર પ્રહાર કર્યો.
અલ્પેશે પોતાના ભાષણમાં પીએમ નરેન્દ્ર મોદીની તાકાત અને મશરૂમની વચ્ચે કનેક્શન જણાવ્યું એમને આરોપ લગાવ્યો કે પીએમ મોદી એક મહિનામાં એક કરોડ રૂપિયાનું મશરૂમ ખાઇ જાય છે. અલ્પેશે કહ્યું કે મોદી કહે છે કે હું ખાતો નથી અને ખાવા દેતો નથી. પરંતુ હું કહેવા માંગુ છું કે મોદી જી જે ખાય છે એ તમે લોકો ખાઇ શકશો નહીં.
અલ્પેશના જણાવ્યા અનુસાર પીએમ મોદીની મજબૂતીનો રાઝ કિંમતી મશરૂમમાં છુપાયેલો છે. અલ્પેશ અનુસાર આ મશરૂમ ખૂબ જ કિંમતી છે. પીએમ મોદી દરરોજ પાંચ મશરૂમ ખાય છે. આ મશરૂમને તાઇવાનથી મંગાવવામાં આવે છે. એક મશરૂમની કિંમત આશરે 80 હજાર રૂપિયા છે.
અલ્પેશના અનુસાર પીએમ મોદી આવી રીતે એક મહિનામાં 1 કરોડ 20 લાખ રૂપિયાનું મશરૂમ ખાઇ જાય છે. અલ્પેશે કહ્યું કે જે પીએમ પોતે આટલું મશરૂમ ખાઇ જાય છે તો એમના કાર્યકર્તા કેટલું ખાઇ જતા હશે.