તાજેતરમાં કચ્છ નજીક રહેલ કંડલાથી જખૌ સુધીના દરિયાઈ વિસ્તારમાં પ્રતિબંધિત થુરિયા સેટેલાઇટ ફોનના ઇન્ટરસેપ્ટ પકડાતા સુરક્ષા એજન્સી તાત્કાલિક અસરથી સતર્ક થઇ ગઈ હતી. આ સિગ્નલો દરિયામાંથી મળી રહ્યા હોવાનું ધ્યાને આવતા જ ભારતની સુરક્ષા એજન્સીએ તે સિગ્નલો ક્યાંથી મળી રહ્યા છે તે અંગે બારીકાઈથી તાપસ હાથ ધરી હતી અને સરહદ પર તૈનાત BSF ના જવાનોને પણ સુરક્ષા વધારવાનું જણાવાયું હતું.
ઉલ્લેખનીય છે કે ભારતનો સ્વતંત્રતા દિવસ 15મી ઓગસ્ટ નજીક આવી રહ્યો છે અને આ વખતે જાપાનના વડાપ્રધાન ભારતના આ પાવન પર્વની ઉજવણીમાં ખાસ મહેમાન તરીકે ઉપસ્થિત રહેવાના છે ત્યારે આંતકવાદી સંગઠનો દ્વારા કોઈ એવી હરકત ના થાય જેના કારણે કોઈ મુશ્કેલી આવી પડે તેનું ખાસ ધ્યાન રાખવામાં આવી રહ્યું છે. દરિયાઈ સીમા પર પણ આ સિગ્નલો મળતાની સાથે જ સુરક્ષામાં વધારો કરવામાં આવ્યો હતો. અને 15 ઓગસ્ટ સુધી સરહદ પરની બટાલિયનને ખાસ એલર્ટ રહેવા જણાવાયું છે.