અક્ષય કુમારની અપકમિંગ ફિલ્મ પેડમેનનું ટ્રેલર રિલીઝ કરી દેવામાં આવ્યુ છે. ફિલ્મમાં અક્ષય કુમારની સાથે રાધિકા આપ્ટે અને સોનમ કપૂર લીડ રોલમાં જોવા મળશે.
અક્ષય કુમારની ફિલ્મ 'પેડમેન' તમિલનાડુના અરૂણાચલના મુરુગનાથમની બાયોપિક પર બેસ્ડ છે. જેમાં અક્ષય કુમાર એક સોશ્યલ વર્કરનો રોલ પ્લે કરી રહ્યો છે. અક્ષય ફિલ્મમાં મહિલાઓની પીરિયડ દરમિયાન થતી સમસ્યાઓને લઇને જાગરૂકતા પર કામ કરતો જોવા મળશે. ફિલ્મમાં મહિલાઓને માટે સેનેટરી નેપકિન બનાવતી મશીન બનાવીને ગ્રામીણ વિસ્તારમાં જાગરૂકતા ફેલાવવા માટેના મુરુગનાથમના સંધર્ષને બતાવવામાં આવશે. ફિલ્મમાં અક્ષય કુમારની પત્નીના રોલમાં રાધિકા આપ્ટે જોવા મળશે ત્યારે સોનમ કપૂર પણ મહત્વના રોલમાં જોવા મળશે.
તમને જણાવી દઇએ કે 'પેડમેન' યૂનાઇટેડ નેશનમાં શૂટ થયેલી બીજી બોલિવુડ ફિલ્મ છેઆ પહેલા 'હાફ ગર્લફ્રેન્ડ'ની શૂટિંગ ત્યાં થઇ હતી. આ ફિલ્મનું ડિરેક્શન આર.બાલ્કી કરી રહ્યા છે. આ ફિલ્મને ટ્વિકંલ ખન્ના પ્રોડ્યુસ કરી રહી છે. પ્રોડ્યુસર તરીકે ટ્વિકંલની આ પહેલી ફિલ્મ હશે. આ ફિલ્મ 26 જાન્યુઆરી 2018ના રિલીઝ થશે. અક્ષયની આ ફિલ્મ સિદ્ઘાર્થ મલ્હોત્રા અને મનોજ બાજપેયીની ફિલ્મ 'અય્યર'ની સાથે ક્લેશ થશે.