મુંબઇ: અક્ષય કુમારે ગત દિવસોમાં પોતાની ફિલ્મ 'ગોલ્ડ'નું શૂટિંગ પૂર્ણ કર્યું. એની સાથે અક્ષય પોતાની ફિલ્મ 'પેડમેન' પર પણ કામ કરી રહ્યો છે. આ ફિલ્મનથી અક્ષયનું નવું પોસ્ટર શેર કરવામાં આવ્યું છે. અત્યાર સુધી ફિલ્મના દરેક પોસ્ટરમાં આપણે અક્ષયને દેશી સ્ટાઇલમાં જ જોયો હતો અને હવે આ નવા પોસ્ટરમાં અક્ષય શર્ટ અને પેન્ટ પહેરેલો હાથમાં સેનેટરી પેડ લઇને ઊભો છે.
અક્ષયે પોતાના સોશિયલ મીડિયા અકાઉન્ટ પર આ પોસ્ટરને શેર કરીને લખ્યું '#પેડમેનટોક્સ: આ પેડ મહિલાઓને બે મહિનાની એકસ્ટ્રા જીંદગી આપે છે. જાણો કેવી રીતે...#'પેડમેન આ ગણતંત્રના દિવસે 26.01.2018.
જણાવી દઇએ કે આ ફિલ્મમાં સોનમ કપૂર અને રાધિકા આપ્ટેએ પણ કામ કર્યું છે. પોતાની ફિલ્મ 'ટોયલેટ એક પ્રેમ કથા'ની સક્સેસ બાદ હવે અક્ષય પૂરા જોશ સાથે પોતાની આવનારા ફિલ્મ પ્રોજેક્ટસ પર કન્સન્ટ્રેટ કરતાં જોવા મળી રહ્યા છે.
ફિલ્મ 'પેડમેન' એક એવા વ્યક્તિની કહાની છે જેને મહિલાઓ માટે સસ્તા અને અફોર્ડેબલ સેનેટરી પેડ્સ બનાવ્યા. અરુણાચલ મુગુગનાથમ નામના આ વ્યક્તિના જીવન પર આ ફિલ્મ આધારિત છે.