અમદાવાદ: દારૂના અડ્ડાઓ પર પોલીસના દરોડા 8000 લીટર દારૂનો નાશ કરાયો

અમદાવાદ શહેરમાં છેલ્લા ઘણા સમયથી બુટલેગરો દ્વારા બેફામ રીતે દારૂ વેચવાનો કારોબાર ચાલી રહ્યો છે. ત્યારે હવે શહેરના દારૂના અડ્ડાઓ પર પોલીસ કર્મચારીઓ દ્વારા દરોડા પાડવામાં આવ્યા છે. 

શહેરના છારાનગર કુબેરનગર સહિતના દારૂ અડ્ડાઓ પર પોલીસ કર્મચારીઓ દ્વારા દરોડા પાડવામાં આવ્યા છે. 50 જેટલી ટીમ બનાવીને 400 જેટલા પોલીસ કર્મચારીઓ દ્વારા દરોડાની કામગીરી હાથ ધરવામાં આવી હતી. જેમાં એડિશન કમિશનર 2 DCP અને 4 ACP સહિતના અધિકારીઓને દરોડા પાડ્યા હતા અને 40 જેટલા આરોપીઓની ધરપકડ કરવામાં આવી હતી

800 લીટર દારૂનો નાશ કરવામાં આવ્યો છે જ્યારે 300 લીટર દેશી દારૂ કબ્જે કરવામાં આવ્યો છે. મહત્વનું છે કે સમગ્ર રાજ્યમાં દારૂ બંધી હોવા છતા બુટલેગરો દ્વારા બેફામ રીતે દારૂની હેરાફેરી કરવામાં આવે છે.. ત્યારે હવે પોલીસ દ્વારા દારૂના અડ્ડાઓ પર દરોડા પાડીને બુટલેગરોની ધરપકડ કરીને દારૂનો નાશ કરવામાં આવી રહ્યો છે.