VIDEO:બાપુનગર વિસ્તારમાં અસામાજીક તત્વોના ત્રાસથી પ્રજા ત્રાહિમામ

અમદાવાદના બાપુનગર વિસ્તારમાં છેલ્લા ઘણા સમયથી અસામાજીક તત્વોનો ત્રાસ વધી રહ્યો છે.ત્યારે હવે હરદાસનગર વિસ્તારમાં અસામાજીક તત્વો દ્વારા દુકાનો બંધ કરાવવામાં આવી હતી.5 શખ્સો હથિયારો લઈને દુકાન બંધ કરવવા માટે નિકળ્યા હતા.

મહત્વનુ છે કે છેલ્લા ઘણા સમયથી અસમાજીક તત્વો દ્વારા લોકોને પરેશાન કરવામાં આવે છે અને દુકાનો બંધ કરાવવામાં આવે છે.જો સ્થાનિકો દુકાન બંધ નથી કરતા તો તેમની સાથે આ શખ્સો મારામારી પણ કરે છે.આ ઘટના બાદ સ્થાનિક પોલીસ પર પણ સવાલો ઉઠયા છે.સ્થાનિક પોલીસ આ વાતથી અજાણ છે?.પોલીસ દ્વારા આ મામલે કોઈ કાર્યવાહી કેમ કરવામાં નથી આવતી?  

ઉલ્લેખનીય છે કે રાજ્યમાં છેલ્લા કેટલાક સમયથી ઠેર-ઠેર અસામાજીક તત્વોનો ત્રાસ વધી રહ્યો છે ત્યારે પોલીસ તંત્રની અને કાયદાની કોઇપણ પ્રકારનો ડર રાખ્યા વગર બેફામ રીતે પોતાની મનમાની ચલાવી રહેલા આવા તત્વો સામે કડક કાર્યવાહી થાય તેવી લોકમાંગ ઉઠવા પામી હતી.