અમદાવાદમાં હિટ એન્ડ રનની ઘટના ચિંતાજનક હદે વધી રહી છે.ત્યારે શહેરના સેટેલાઈટ વિસ્તારમાં આવેલા પ્રેરણાતીર્થ દેરાસર પાસે પણ હીટ એન્ડ રનની ઘટના બની હતી.પ્રેરણાતીર્થ દેરાસર પાસે રોડ ક્રોસ કરી રહેલા સુરેશ ઠાકોર નામની વ્યકિતને પૂરઝડપે આવતી કારે અડફેટે લેતા તેમને ગંભીર ઈજાઓ પહોંચી હતી.
અકસ્માતનો ભોગ બનેલને નજીકના દવાખાને સારવાર અર્થે ખસેડવામાં આવતાં તેમનું મોત નિપજ્યું હતું.ઉલ્લેખનીય છે કે આ અકસ્માત સર્જાયો તે સ્થળે રોડ પર અગાઉ સ્પીડબ્રેકર હતા અને અકસ્માતની ઘટનામાં ઘટાડો નોંધાયો હતો.પરંતુ રોડનું રિસરફેસનું કામ થતાં આ સ્પીડબ્રેકર હટાવી લેવામાં આવ્યા હતા.
જેના કારણે વાહન ચાલકો ભયજનક ગતિએ વાહન હંકારી રહયા્ છે.આ ઘટના પણ સ્પીડબ્રેકરના અભાવે ઘટી હોવાનું સામે આવ્યું છે.આ અંગે તંત્રનું વારંવાર ધ્યાન દોરવામાં આવ્યું હતું છતાં કોઈ પગલાં ભરાયા નહીં હોવાથી સ્થાનિકોમાં રોષની લાગણી જોવા મળી હતી.