VIDEO:શાહીબાગ ખાતે આવેલ બાલભવનમાં ધમધમે છે જુગારધામ

અમદાવાદમાં આવેલા શાહીબાગ વિસ્તારમાં અસામાજિક તત્વો દ્વારા જુગારધામ ધમધમી રહ્યું છે તેવો વિડિયો સોશિયલ મિડીયામાં વાઇરલ થયો હતો. જેમાં સ્ટેન્ડિંગ કમિટીના ચેરમેનના વોર્ડમાં આવેલી મ્યુનિસિપલની મિલકતમાં બેફામ જુગારધામ સહિતની તમામ અસામાજિક પ્રવૃતિઓ ચાલે છે. શાહીબાગ બાલભવનમાં મહિલાઓ માટે સીવણ ક્લાસ અને કમ્પ્યુટર વર્ગો ચાલે છે. 

તેની સાથે આ જ સ્થળ પર મોટા પાયે જુગારધામ પણ ચાલી રહ્યું છે. આથી મહિલાઓ ક્લાસમાં રેગ્યુલર જઈ શકતી નથી.આ સ્થળ પરથી દારૂની બોટલો તેમજ બીયરના કેન અને દેશી દારૂની પોટલીઓના પણ દસ્તાવેજો મળી આવ્યા હતાં.

આસપાસના લોકોમાં સ્થાનિક ગુંડાઓના ભયના કારણે કોઈ ફરિયાદ કરતું નથી.લુખ્ખા તત્વો બેફામ રીતે તમામ પ્રકારની ગુનાહિત પ્રવૃતિઓને અંજામ શાહીબાગ બાલભવનમાં બેસીને આપે છે.