દિવાળીના તહેવારની તડામાર તૈયારીઓ ચાલી રહે છે. ત્યારે દર વર્ષની જેમ આ વર્ષે પણ લાકોને કોઈ હાલાકીનો સામનો ન કરવો પડે તે માટે અમદાવાદ મેડિકલ એસોસિએશને તહેવાર દરમિયાન ફરજ પર હાજર તબીબોની એક સુચિ જાહેર કરી છે. મેડિકલ એસોસિએશને વિસ્તાર પ્રમાણે 21 સંચાલક ડૉક્ટર્સની યાદી જાહેર કરી છે. આ યાદીમાં ડૉક્ટર્સના મોબાઈલ નંબર તેમની નિપુણતા તે અંગેની તમામ વિગતોનો ઉલ્લેખ સુચિમાં કરાયો છે.
તો 19 ઓક્ટોબરથી 23 ઓક્ટોબર દરમિયાન 104થી વધુ તબીબ ખડેપગે રહેશે. આ સાથે AMAએ વોટ્સએપ ગ્રુપ પણ શરૂ કર્યું છે. જેમાં લોકો વોટ્સએપના માધ્યથી માહિતી મેળવી શકશે. આ સાથે ફેસબુક પર પણ તમામ માહિતી અપલોડ કરવામાં આવશે. દર વર્ષે 500થી 600 ફોન આવતા હોવાનું ડૉક્ટરોએ જણાવ્યું હતું. જેમાં ખાસ દાજી જવાના અને શ્વાસમાં તકલીફની સંખ્યામાં વધારે હોવાનું ડૉક્ટર્સે જણાવ્યું હતું.