ગુજરાતમાં વરસાદે બીજી ઇનિંગના શ્રીગણેશ કર્યા બાદ ગત રાતથી મુંબઈમાં પણ વરસાદે કહેર વરસાવ્યો છે. મુંબઈમાં વરસાદે 12 થી પણ વધુનો રેકોર્ડને તોડ્યો છે. 26 જુલાઈ 2005 બાદ સૌથી ભારે વરસાદ જોવા મળી રહ્યો છે. ગત સવારથી સતત ભારે વરસાદે મુંબઈગરાઓની મુશ્કેલીઓ વધારી દીધી છે. વરસાદના કારણે ઠેરઠેર પાણી ભરાઈ જતા નિચાણવાળા વિસ્તારમા રહેતા લોકોએ સ્થળાંતરણ કરવુ પડ્યુ હતુ. આ સાથે જ કેટલાક સ્થળે લોકો ટ્રાફિકમા પણ ફસાયેલા જોવા મળી રહ્યાં છે. હવામાન ખાતાની આગાહી મુજબ આગામી 24 કલાક સુધી હજુ ભારે વરસાદ ચાલુ રહેશે. હવામાન ખાતાએ સમગ્ર મહારાષ્ટ્રમાં ભારે વરસાદની થવાની ચેતવણી જાહેર કરી હતી. એક માહિતી તેવી પણ જાહેર કરવામા આવી છે કે સમુદ્રમાં ભરતી પણ આવી શકે છે અને શનિવાર સાંજ સુધી સાંજે 3.32 મીટર ઊંચી લહેરો સમુદ્રમાં ઊઠી શકે છે. જેના કારણે મુંબઈગરાઓને સાવચેત રહેવાની સલાહ આપવામાં આવી છે.
ઉલ્લેખનીય છે કે ગત રાત્રીએ મુંબઈમાં સતત વરસાદ ચાલુ રહ્યો હતો. હવામાન વિભાગના આંકડાઓ અનુસાર સોમવારે 8.30 વાગ્યાથી આજે સવારે 8.30 વાગ્યાં સુધી કોલાબામાં 151 મિલીમીટર અને સાંતાક્રુઝમાં 88.4 મિલીમીટર વરસાદ નોંધ્યો છે. અને વરસાદના કારણે જોગેશ્વરી-વિક્રોલી રોડ પર ટ્રાફીક જામ જોવા મળી રહ્યો છે. લોઅર પરેલ હિંદમાતા દાદર અંધેરી ઈસ્ટ જેવા વિસ્તારોમાં પાણી ભરાઈજવાના કારણે જનજીવન અસ્તવ્યસ્ત થઇ ગયુ છે.
સુત્રોના જણાવ્યા મુજબ ત્રણેય લોકલ લાઈનો વરસાદથી પ્રભાવિત થઈ છે જેના કારણે અનેક ટ્રેનો બંધ છે અને અનેક ટ્રેનો 30-30 મિનિટ મોડી ચાલી રહી છે. આ ઉપરાંત મુંબઈ એરપોર્ટથી ઉડાણોના સંચાલન ઉપર પણ અસર પડી રહી છે. ફ્લાઈટ્સ 15 થી 20 મિનિટ મોડી ટેકઓફ કરી રહી છે.સોમવારે પણ મુંબઈગરાઓ ભારે વરસાદના કારણે પરેશાન રહ્યાં હતાં. સોમવારે સવારે 8 વાગ્યાથી બપોરે 3 વાગ્યા સુધીમાં વરસાદના કારણે ઝાડ કે ડાળી પડવાના કારણે 4 અકસ્માતો થયાં જ્યારે 3 જગ્યાઓ પર ઘરોની દીવાલો પડવાના અહેવાલો હતાં. શર્ટ સર્કિટના પણ 5 કેસ નોંધાયા હતાં. હજુ પણ શહેરના અનેક ભાગોમાં ભારે વરસાદ ચાલુ રહેશે તેવુ જાણવા મળેલ છે. દિવસભર વરસેલા વરસાદના કારણે વેસ્ટર્ન એક્સપ્રેસ હાઈવે પર બોરિવલી અને મલાડ વચ્ચે ભારે ટ્રાફિક જામ રહ્યા હતા.