વોંશિગ્ટન: અમેરિકાના રાષ્ટ્રપતિ ડોનાલ્ડ ટ્રંપે પાકિસ્તાનને લઇને કરેલા ટ્વિટ બાદ હવે અમેરિકાએ મોટી કાર્યવાહી કરતાં પાકિસ્તાનને આપવામાં આવતી આર્થિક સૈન્ય મદદ પર રોક લગાવી દીધી છે. મળતી માહિતી અનુસાર અમેરિકાએ પાકિસ્તાનને આપવામાં આવતી 255 મિલિયન ડોલર એટલે કે 1628 કરોડ રૂપિયાની આર્થિક સૈન્ય મદદ પર રોક લગાવી દીધી છે.
એની પુષ્ટિ વ્હાઇટ હાઉસ દ્વારા કરવામાં આવી છે. વ્હાઇટ હાઉસથી જારી નિવેદનમાં કહેવામાં આવ્યું છે કે આ પ્રકારની મદદનું ભવિષ્ય ઇસ્લામાબાદ દ્વારા પોતાની જમીન પર મોજૂદ આતંકીઓ પર કરવામાં આવતી કાર્યવાહી પર નિર્ભર કરશે.
એક વરિષ્ઠ અધિકારીએ નિવેદન આપતાં જણાવ્યું કે અમેરિકા નાણાંકીય વર્ષ 2016માં પાકિસ્તાનને આપવામાં આવતી 255 મિલિયન ડોલરની આર્થિક મદદ આપવામાં ઇચ્છુક નથી.
એમને આગળ કહ્યું કે રાષ્ટ્રપતિ ટ્રંપે સ્પષ્ટ કહી દીધું છે કે અમેરિકા ઇચ્છે છે કે પાકિસ્તાન પોતાની જમીન પર જે આતંકવાદીઓ છે એની વિરુદ્ધ કડક કાર્યવાહી કરે. પાકિસ્તાનના દક્ષિણ એશિયા રણનીતિ માટે કરવામાં આવેલી એક્શનથી અમારા સંબંધોની દિશા નક્કી થશે. જેમાં ભવિષ્યમાં મળનારી સુરક્ષા નિધિ પણ સામેલ છે.