મુંબઇઃ દેશની જાણીતી મ્યૂઝિક કંપનીઓ પર ઇડીએ સકંજો કસ્યો છે. પાછલા અઠવાડિયે આ કંપનીઓ પર ઇડી દ્વારા દરોડા પાડવામાં આવ્યા હતા. ત્યારે ખબર આવી રહી છે કે આ કંપનીઓના માલિકોને પૂછપરછ માટે બોલાવવામાં આવ્યા છે. અને તેમાં સૌથી ઉપર નામ આદિત્ય ચોપરા અને ભૂષણ કુમારનું છે.
આદિત્ય ચોપરાને EDએ 8 નવેમ્બરે હાજર થવા સમન્સ પાઠવ્યું છે. આ કંપનીઓ પર કરોડો રૂપિયાની મ્યૂઝિક રોયલિટીની હેરાફેરી કરવાનો આરોપ છે. જેની તપાસ ED કરી રહી છે. આદિત્ય સિવાય સોની મ્યૂજિકના વાઇક પ્રેસિડેન્ટ શ્રીધર સુબ્રમણ્યમને પણ નોટિસ મોકલવામાં આવી છે. સાથે જ સારેગામાના એમડી વિક્રમ મેહરાની પણ પૂછપરછ કરવામાં આવી છે.