અમદાવાદના ગોતા બ્રિજ પાસે અકસ્માત થયો હોવાની માહિતી મળી આવી છે. ગોતા બ્રિજ પાસે સ્કૂલ વાનને પાછળથી આવીને મહિલા કાર ચાલકે ટક્કર મારી હોવાની ઘટના સામે આવી છે.
મળતી માહિતી અનુસાર ગોતા બ્રિજ પર સવારે 8 વાગ્યાની આસપાસ સ્કૂલ વાન વિદ્યાર્થીઓને લઇને જઇ રહી હતી. ત્યારે પાછળથી મહિલા ચાલક અલ્ટો કાર લઇને આવી રહી હતી અને પાછળથી ટક્કર મારી હતી. ટક્કર વાગતાં જ કાર ડિવાઇડર પર ચડી ગઇ હતી. સક્ૂલ વાનમાં 11 બાળકો હતા જેમાંથી 7 થી 8 બાળકોને ઇજા પહોંચી હતી. ઉપરાંત અકસ્માત સર્જનાર મહિલા કાર ચાલકને પણ ઇજા પહોંચી હતી અને નજીકની હોસ્પિટલમાં બાળકો અને મહિલાને સારવાર અર્થે લઇ જવામાં આવ્યા હતા.
આ ઘટનાની જાણ થતા પોલીસના અધિકારીઓ ઘટના સ્થળે દોડી આવ્યા હતા. બ્રિજ પર ટ્રાફિકની સમસ્યા પણ સર્જાઇ હતી. ત્યારે હવે પોલીસે ગુનો નોંધી આગળની કાર્યવાહી શરૂ કરી છે.