આસારામને 5 ફેબ્રુઆરીએ વીડિયો કોન્ફરન્સથી ગાંધીનગર કોર્ટમાં કરાશે હાજર

ગાંધીનગરઃ આસારામ આશ્રમમાં દુષ્કર્મના મામલે પીડિતા આજે કોર્ટમાં પોતાની જુબાની આપવા માટે કોર્ટમાં હાજર થઈ હતી. પરંતુ સરકારી વકીલે આરોપીને પણ સુનાવણી દરમિયાન હાજર રાખવા માગ કરી હતી. જે બાદ કોર્ટે પીડિતાની જુબાની સમયે આસારામને વીડિયો કોન્ફરન્સથી કોર્ટમાં હાજર રાખવાનો આદેશ આપ્યો છે.

આગામી 5 ફેબ્રુઆરીથી સુનાવણી હાથ ધરવામાં આવશે. મળતી માહિતી પ્રમાણે આગામી 5 મી ફેબ્રુઆરીએ પીડિતાની જુબાની લેવાના સમયે વીડિયો કોન્ફરન્સથી આસારામને ગાંધીનગર કોર્ટમાં હાજર કરાશે. આ સુનાવણી 5 ફેબ્રુઆરીથી લઈને 9 ફેબ્રુઆરી સુધી ચાલશે. આ દરમિયાન પીડિતાની જુબાની સમયે આસારામને જોધપુર જેલથી વીડિયો કોન્ફરન્સ હાજર કરવામાં આવશે.