પાટણની કલેક્ટર કચેરી બહાર યુવકે આત્મ વિલોપન કરવાનો પ્રયાસ કર્યો છે. યુવકે કેરોસીન છાંટીને આત્મવિલોપન કરવાનો પ્રયાસ કર્યો છે.
આ ઘટના સર્જાતા કલેક્ટર કચેરીની બહાર અફરા-તફરીનો માહોલ સર્જાયો હતો. ત્યાર બાદ તાત્કાલિક યુવકને સારવાર માટે હોસ્પિટલમાં ખસેડાયો હતો.
મહત્વનુ છે કે સમી તાલુકાના દુદખા ગામના પરિવાર દ્વારા જમીન ખાતે ન કરી આપવામાં આવતા પરિવારે આત્મ વિલોપનની ચિમકી ઉચ્ચારી હતી. જેના કારણે કલેક્ટર ઓફિસની બહાર ચુસ્ત બંદોબસ્ત ગોઠવી દેવામાં આવ્યો હતો અને ચીમકી આપનાર પરિવારની પોલીસ દ્વારા શોધખોળ શરૂ કરવામાં આવી હતી. ચુસ્ત બંદોબસ્ત હોવા છતા યુવકે આત્મવિલોપન કરવાની કોશિશ કરી હતી.