IPL 11ની હરાજી પહેલા યુવી-ગંભીર-રૈના ની બેટિંગમાં કોઈ દમ જ નહીં

ઈન્ડિયન પ્રીમિયર લીગ (આઈપીએલ -2018) માટે ખેલાડીઓની હરાજીની પહેલા ફ્રેન્ચાઈઝીમાં સ્થાનિક ટ્વેન્ટી-20 ટૂર્નામેન્ટ સૈયદ મુશ્તાક અલી ટુર્નામેન્ટ પર બધાની નજર છે. અત્યારે ઝોનલ ટ્વેન્ટી-20 સ્પર્ધા રમવામાં આવી રહી છે જે 16 જાન્યુઆરી સુધી ચાલશે. આ પછી સૈયદ મુસ્તાક અલી ટુર્નામેન્ટની સુપરલીગ 21મીથી 27મી જાન્યુઆરી સુધી રમવામાં આવશે. આઇપીએલની 11મી સિઝન માટે આઠ ફ્રેન્ચાઇઝી 27-28 જાન્યુઆરીએ હરાજી કરશે.

36 વર્ષીય યુવરાજ સિંહ ઉપરાંત ગૌતમ ગંભીરનું પ્રદર્શન જોવું જોઈએ બંનેએ પોતાની પ્રથમ મેચમાં અડધી સદી ફટકારી હતી જે ખૂબ ધીમી હતી. ઉત્તર ઝોનની દિલ્હી-પંજાબ મેચમાં યુવરાજ સિંહે 50 અને ગૌતમ ગંભીરે 66 રન ફટકાર્યા હતા. આ મેચ પંજાબ 2 રનથી જીતી હતી પરંતુ યુવરાજે અડધી સદી માટે 40 બોલ રમ્યો હતો. યુવરાજસિંહની 26મી ટી -20 અર્ધી સદીમાં સંયુક્તપણે તે બીજા ક્રમનું સૌથી ધીમી ધીમી હતી.

બીજી બાજુ 36 વર્ષીય ગૌતમ ગંભીર 45 બોલમાં અડધી સદી પૂરી કરી. પંજાબ સામે 171 રનનો લક્ષ્યાંક હાંસલ કરીને તેણે બનાવેલા 66 રન પણ દિલ્હીને જીતાડી શક્યો નહીં અને એમાં પણ ગંભીર રન આઉટ થયો હતો.

બીજી તરફ 31 વર્ષીય સુરેશ રૈના જેમણે ચેન્નઈ સુપર કિંગ્સમાં જાળવી રાખ્યા છે તેનું  બેટ શાંત છે. મધ્ય ઝોનમાં ઉત્તર પ્રદેશે અત્યાર સુધીમાં બે મેચમાં રૈનાએ 13 અને 1 રન બનાવ્યા છે. રૈનાની ટીમની કપ્તાનીનએ 9 જાન્યુઆરીના રોજ રાજસ્થાન સામેની પ્રથમ મેચ ગુમાવી હતી જ્યારે મધ્ય પ્રદેશ સામેની મેચ આજે છે.