વડોદરા: રાજ્યભરમાં છેલ્લા 2 મહિનાથી અસામાજીક તત્વોને ત્રાસ વધી રહ્યો છે. છેલ્લા 2 મહિનામાં રાજ્યનાં 4 મોટા શહેરમાં ક્રાઈમ રેટમાં વધારો થયો છે.
મળતી માહિતી અનુસાર વડોદરામાં છેલ્લા 2 મહિનામાં 62 ધરફોડ ચોરીની ઘટનાઓ સામે આવી છે. જ્યારે 39 ઠગાઈના કેસ સામે આવ્યા છે.. અને હત્યાના પ્રયાસના 7 કેસ નોંધાયા છે. તો બીજી તરફ સુરતમાં પણ ક્રાઈમ રેટ દિવસે દિવસે વધી રહ્યો છે. સુરતમાં છેલ્લા 2 મહિનામાં હત્યાના 17 કેસ નોંધાયા છે. જ્યારે લૂંટના 47 કેસ નોંધાયા છે. જ્યારે અપહરણના 67 કેસ નોંધાયા છે. આ ઉપરાંત અમદાવાદ અને રાજકોટમાં પણ ક્રાઈમ રેટમાં સતત વધારો થઈ રહ્યો છે.
રાજ્યમાં વધી રહેલા ક્રાઈમના કારણે પોલીસ તંત્ર પર પણ સવાલો ઉઠયા છે. વધી રહેલા ક્રાઈમ રેટના કારણે પોલીસ કેમ ચુપ રહે છે અને અસમાજીક તત્વોને ઝડપી પાડવા પોલીસ કેમ નિષ્ફળ રહે છે. તે એક મોટો પ્રશ્ન છે.