ભાવનગર: બીજી વખત નકલી નોટના કારોબારનો પર્દાફાશ થયો છે. SOG પોલીસ અને વલ્લભીપુર પોલીસે અયોધ્યાપુરમ નજીકથી નકલી નોટ સાથે ફિલ્મીઢબે બે આરોપીને ઝડપી લીધા છે. રૂ 9.67 લાખની કિંમતની રૂ 500 અને 2 હજારના ચલણી દરની નોટ સાથે આરોપીઓને સકંજામાં લીધા છે.
હજુ એક આરોપી ફરાર થતાં પોલીસે તપાસ હાથ ધરી છે. સાથે પોલીસે નોટો છાપવા માટે ઉપયોગ લેવાયેલ સ્કેનર સહિત અન્ય સાધનો જપ્ત કરીને આગળની કાર્યવાહી હાથ ધરી છે.
મહત્વનું છે કે પોલીસે આરોપીઓ પાસેથી 2 હજારના દરની 439 નંગ અને 500 દરની 179 નોટ ઝડપી પાડી છે. આરોપીઓ ચલણી નોટ લઇને બાઇક પર જઇ રહ્યા હતા. બે આરોપીઓ પાસેથી એક શખ્સ નોટો લઇને ભાગતો હતો. તે દરમિયાન પોલીસે આરોપીઓને ઝડપી લીધા હતા.
આ કેસનો મુખ્ય આરોપી વિપુલ પટેલ ભાગી જવામાં સફળ રહ્યો છે. આ શખ્સો ઘરે અસલી નોટને સ્કેનર વડે કોપી કરીને ડુપ્લીકેટ નોટો બનાવતા હતા. હવે પોલીસ આરોપીઓના ઘરે જઇને નકલી નોટના ઉપયોગમાં લેવાતા સાધનોની તપાસ કરશે.