30 લાખની રોકડ સાથે શખ્સની અટકાયત પોલીસે શરૂ કરી તપાસ

અમદાવાદ: અમદાવાદમાં રૂ.30 લાખની રોકડ સાથે એક શખ્સની અટકાયત કરવામાં આવી છે. પોલીસે આ શખ્સને નિકોલના ડી-માર્ટ ચારરસ્તા પાસેથી ઝડપીપાડી તેની અટકાયત કરી છે.

પોલીસે તેની તપાસ કરતા તેની પાસેથી રૂ. 500 અને 2000 ના દરની 875 નોટ મળી આવી હતી જોકે તેણે તેની પાસે રહેલ નાણા અંગે પોલીસને સંતોષકારક જવાબ ન આપતા પોલીસે આ અંગે ઇન્કમટેક્ષ વિભાગને જાણ કરી છે. પોલીસ તપાસમાં આ શખ્સનુ નામ શિવરક્ષા કુશવા હોવાનું જાણવા મળેલ છે.

ઉલ્લેખનીય છે કે આગામી સમયગાળામાં ગુજરાતમાં વિધાનસભાની ચુંટણી આવી રહી છે અને ચુંટણી પંચ ઠેર-ઠેર ચાંપતી નજર રાખી રહ્યુ છે ત્યારે અમદાવાદની નિકોલ ખાતે આવેલ D-MART  નજીક આવેલ ચાર રસ્તા પાસેથી આ શખ્સની અટકાયત કરી હતી. આટલી મોટી રકમ આ શખ્સ પાસે આવી ક્યાથી અને આ રકમ શેના માટે ઉપયોગમાં લેવાની હતી તે અંગે જાણવા પોલીસે પોતાના સુત્રો ગતિમાન કર્યા હતા.