દક્ષિણ ચીન સાગરમાં ચીનની વધતી તાકાત સામે ચાર મહારથીઓ એક થયા છે. ભારત જાપાન ઓસ્ટ્રેલિયા અને અમેરિકાએ આ મુદ્દે હાથ મિલાવ્યા છે.
ત્યારે હવે ફ્રાન્સે પણ આ બહુપક્ષીય મંચ સાથે જોડાવવાની તૈયારી દર્શાવી છે. ફ્રાન્સના રાજકીય સૂત્રોએ જણાવ્યું છે કે અમે મનીલા ખાતે થયેલી બેઠકને ખૂબ હાકારાત્મક રીતે જોઈ રહ્યા છીએ.
હિન્દ મહાસાગર સાથે અમારા હિતો પણ જોડાયલા છે. ફ્રાન્સે ભારત સાથે દ્વીપક્ષીય સહકાર વધારવા માટે ઉત્સાહ દર્શાવ્યો છે. આ ઉપરાંત બહુપક્ષીય સહકાર માટે પણ તૈયારી દર્શાવી છે.
ઉલ્લેખનીય છે કે ચીનની વધતી સૈન્ય તાકાત સામે ચાર દેશો એક થયા છે. ભારત ઓસ્ટ્રેલિયા જાપાન અને અમેરિકાના વડાઓએ મનીલા ખાતે બેઠકો કરી હતી જેમાં દક્ષિણ ચીન સાગરમાં હિતોને લઈને વાટાઘાટો કરી હતી.