રાજસ્થાનના અલવર જીલ્લાના NH8 પર હરિયાણાથી ગુજરાતમાં લાવવામાં આવી રહેલા ગેરકાયદે દારૂની ટ્રક ઝડપાઇ છે. જેમાં 25 લાખ રૂપિયાની ગેરકાયદે દારૂ ભરેલી હતી. ટ્રકમાં બટાટાના કોથળાઓ નીચે લાખોનો દારૂ ભરેલો હતો. પરંતુ કોઇને તેની જાણકારી પણ થઇ નહોતી.
આબકારી પોલીસે બે લોકોની ધરપકડ કરી છે. જેમની પૂછપરછ કરવામાં આવી રહી છે. જો કે એ જાણવા નથી મળ્યું કે આ દારૂ શા માટે ગુજરાતમાં લાવવામાં આવી રહ્યો હતો. સૂચના મળ્યા બાદ શાહજહાપુર ચેક પોસ્ટ પર નાકાબંધી કરીને હરિયાણા તરફથી આવી રહેલા ટ્રકને અટકાવીને તપાસ કરવામાં આવી. ટ્રકમાં દારૂની 676 પેટીઓ ભરેલી હતીજેની કિંમત લગભગ 25 લાખ રૂપિયા છે.
નોંધનીય છે કે ગુજરાત વિધાનસભાની ચૂંટણી આંગણે આવીને ઊભી છે. ત્યારે ચૂંટણીમાં વોટ મેળવવા માટે મતદારોને આકર્ષવા ચૂંટણી સમયે દારૂની રેલમછેલ કરવામાં આવે છે.