ગ્રાહકોને 90 ટકા સુધી ડિસ્કાઉન્ટ અને ઓફર્સ મળી રહી છે. જો કે સૌથી ચર્ચાસ્પદ બન્યું છે Xiaomiનું સેલ.
Xiaomiની સત્તાવાર વેબસાઈટ mi.com પર 27 સપ્ટેમ્બરથી સેલ ચાલુ થશે. આ સેલ 27 સપ્ટેમ્બરે સવારે 10 કલાકે શરૂ થશે અને 29 સપ્ટેમ્બર સુધી ચાલશે. મળતી માહિતી પ્રમાણે એમાં 1 રૂ.માં સ્માર્ટ મોબાઈલ આપવાની પણ સ્ક્રીમ છે. આ સેલ દરમિયાન દરેક પ્રોડક્ટ પર મળનારી ઓફર્સને mi.com પર લિસ્ટ કરી દેવામાં આવી છે. તેમાં રેડમી 4 રેડમી નોટ 4 મી મેક્સ 2 અને રેડમી 4A તેમજ Mi A1 પણ શામેલ છે.
આ સેલમાં સ્માર્ટફોન્સ સિવાય મી બેન્ડ HRX એડિશન મી ઈન-ઈયર હેડફોન અને મી પાવર બેન્ક જેવી એસેસરીઝ જેવી વસ્તુઓ પર પણ ભારે છૂટછાટ મળશે. આ સેલમાં તાજેતરમાં જ લોન્ચ થયેલા રેડમી નોટ 4 લેક બ્લૂ એડિશનને પણ શામેલ કરવામાં આવ્યો છે. Mi મેમ્બર માટે ડિસ્કાઉન્ટ કૂપન અને એફ-કોડ પણ ઓફર કરી રહી છે જેને Mi સેલમાં જીતી શકાય છે. આ સિવાય ત્રણ દિવસ ચાલનારા આ સેલમાં રોજ સવારે 11 વાગ્યે અને સાંજે 5 વાગ્યે 1 રુપિયાના ફ્લેશ સેલનું પણ આયોજન કરવામાં આવશે. રોજ બપોરે 2 વાગ્યે એપ પર કોન્ટેસ્ટ અને 4 વાગ્યે એક ફાસ્ટેસ્ટ ફિંગર ફર્સ્ટ કોન્ટેસ્ટ પણ થશે.